Төгсөх дамжааны резидент эмч нарыг АНУ-д тэтгэлэгээр сургана.

Эрүүл мэндийн сайд Т.Мөнхсайханы санаачилгаар төгсөлтийн дараах сургалтыг олон улстай хамтарсан хөтөлбөрөөр хийхээр болжээ.Энэ хүрээнд БНСУ-ын “Олон улсын боловсролын солилцооны холбоотой хамтран 3 шатны сонгон шалгаруулалт явуулсан аж. Үүнд, ирэх зургаа дугаар сард төгсөх ЭХЭМҮТ-ийн Эх барих, эмэгтэйчүүд, Цэргийн төв эмнэлгийн Мэс заслын төгсөх дамжааны резидент эмч О.Номунзул, М.Номин-Эрдэнэ нар шалгарч, АНУ-д сурахаар болжээ.

Улсын хэмжээнд өнгөрсөн оны байдлаар 1161 резидент эмч суралцсанаас 1045 нь хүний их эмчээр, 80 нь уламжлалт анагаах, 36 шүдний их эмчээр мэргэшиж байгаа аж.