Энэ оны эхний гурван сарын дүнгээр гадаад худалдааны нийт бараа эргэлт 5561 сая ам.доллар болж өмнөх оны мөн үеэс 512 сая ам.доллар буюу 8.4 хувиар буурчээ. Экспортын дүн импортын дүнгээс 465.1 сая ам.доллараар давж, гадаад худалдааны баланс эерэг гарлаа. Гэвч өнгөрсөн оны мөн үетэй харьцуулахад гадаад худалдааны тэнцэлд эдийн засагчдын зүгээс "муу дүн" тавилаа.

Эдийн засагч Н.Энхбаяр "Гадаад худалдааны тэнцэл 2024 оны нэгдүгээр улиралд 1.244.00 сая ам.долларын ашигтай байсан бол 2025 оны нэгдүгээр улиралд 465.1 сая ам.долларт хүрч 72 хувиар буурлаа!" гэсэн бол эдийн засагч Д.Ангар "2025 он гараад 780 сая ам.долларын экспортоо алдаж. Маш харамсалтай!!!" гэж тодорхойллоо.