Улаанбурхан өвчний халдвар авсан 398 тохиолдол өнөөдрийн байдлаар /2025.04.08/ батлагдсныг Халдварт өвчин судлалын үндэсний төвөөс мэдээлэв. Тодруулбал, эмнэлэгт хэвтэн эмчлүүлж байгаа 125, гэрээр 1, эдгэрсэн 278 хүн байна. Одоогоор хавьтал болсон 9606 хүн байна.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний тохиолдлууд ихэвчлэн Ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой юм.