Төв аймгийн бүх сум төрийн үйлчилгээний киоск машинтай боллоо.

УИХ-аас шинэ Зуунмод хотыг “Хүннү хот” гэж нэрлэн, энд хиймэл оюуны олон улсын дата төвийг байгуулж, Ази тивийн “Цахиурын хөндий” болгон хөгжүүлэхээр зорьж байна. ЦХИХХ-ны сайд Ц.Баатархүү Төв аймагт ажиллах үеэрээ дээрх санаачилгын эхлэл болгож, бүх суманд төрийн үйлчилгээний киоск машиныг хүлээлгэн өглөө. Аймгийн хэмжээнд ердөө хоёрхон ширхэг киоск машинтай байсан бол одоо орон нутгийн иргэдэд төрийн үйлчилгээ улам ойртож буй юм. Мөн Боловсролын яамны судалгаанд үндэслэн, алсалсан, интернэтийн хүртээмж муу 10 сургуульд Старлинк төхөөрөмж өгөв. Ингэснээр орон нутгийн сурагчид дэлхийн боловсролыг сумаасаа авах боломж бүрдсэнийг ЦХИХХЯ-наас мэдээллээ.

Тус яам энэ онд 139 цэгт сүлжээ оруулахаар төлөвлөжээ.