Өнөөдөр аргын тооллын дөрөвдүгээр сарын 4, билгийн тооллын 7. Өнөөдөр ханш нээх улирал 20:54 цагт эхэлнэ. Ханш нээх өдөр гэж хаврын дунд сараас хаврын сүүл сарын хоорондын хугацаа буюу өвлийн туйлын 108 хоногийг хэлнэ. Өөрөөр хэлбэл, ханш нээх өдөр нь хаврын уур орох өдрийн өмнөх арван таван хоногийг хэлдэг аж. Энэ өдөр амьд байгалийн алив амьдрал сэрж сэргэн хорхой шавьж хөдөлж, ичигсэдийн түрүү гарна. Бургас мод гөлөглөж, булгийн ус оргилж, голын мөс ханзарч халиа гүйн захалдаг. Энэ өдрийг их сайн өдөр хэмээн бичиж тэмдэглэсэн байдаг. Энэ өдөр хонь, гахай жилтнээ аливаа үйлийг хийхэд эерэг сайн. Үс шинээр үргээлгэх буюу засуулахад тохиромжгүй.