Эрүүл мэндийн сайд Т.Мөнхсайхан үр шилжүүлэн суулгах тусламж үйлчилгээний талаарх мэдээлэлдээ, манай улсад Эх, хүүхдийн эрүүл мэндийн үндэсний төв, Юнимед, Өүжин Мед зэрэг эрүүл мэндийн таван байгууллага үр шилжүүлэн суулгах эмчилгээ үйлчилгээг нутагшуулж сүүлийн арван жилд 1685 хүүхэд мэндэлж, өсөж торниж байна. Тэдний 1133 нь донорын эсээр, 77 тээгч эхээс мэндэлжээ" гэж онцлов. Түүнчлэн, хүүхдийн гэр бүлийн статусыг илүү тодорхой болгох зорилгоор тэтгэвэр, нийгмийн халамжийн асуудлыг холбогдох хуулиудад тодорхой тусган, боловсронгуй болгох шаардлагатай гэлээ.

Мөн энэ үеэр гадаадад эмчлүүлсэн иргэдийн тухай болон эмч, эмнэлгийн мэргэжилтний эрх зүйн баталгааг хангахтай холбоотой асуудлуудыг хөндлөө. Тодруулбал, сүүлийн хоёр жилд нийт 199 иргэн гадаад улсад зайлшгүй шаардлагаар эмчлүүлж, эмчилгээний зардлаа буцаан авчээ. Тэдний 20 гаруй хувийг элэг шилжүүлэн суулгах эмчилгээг Энэтхэг, Турк, БНСУ-д хийлгэж, нийт 10 гаруй тэрбум төгрөг зарцуулжээ.