БНСУ-ын Үндсэн хуулийн цэцийн мэдээлснээр, Ерөнхийлөгч Юн Сок Ёлыг огцруулах эсэх хэргийн шүүх хурлыг дөрөвдүгээр сарын 4-ний үдээс өмнө 11 цагт хийж, телевизээр шууд дамжуулан олон нийтийг ажиглагчаар оролцуулах аж.

Түүнчлэн Ёнхап агентлагийн мэдээлснээс үзвэл, Юн Сок Ёлыг огцруулах эсэх хэргийн шийдвэр гарах өдөр үндэсний хэмжээнд 20 мянган цагдаагийн албан хаагчийг хамарсан 338 онцгой байдлын цэрэг цагдаагийн хүчин, 14 мянган цагдаагийн албан хаагч Сөүл хотын төвд ажиллах нь. БНСУ-д өрнөж буй улс төрийн нөхцөл байдалтай холбогдуулан тус өдөр томоохон хот, суурин газруудад жагсаал цуглаан идэвхжиж, ялангуяа Сөүл хотын төв хэсэг Шичон болон Юнсан дүүрэгт олон нийтийг хамарсан жагсаал цуглааны ойр орчмоор манай иргэд зорчихгүй байх, гадуур зайлшгүй гарах тохиолдолд сонор сэрэмжтэй байхыг Монгол Улсаас БНСУ-д суугаа ЭСЯ-наас зөвлөж байна. Шаардлагатай тохиолдолд ЭСЯ-ны 010-9595-3464 шуурхай утсаар холбогдох боломжтой.