"Оточ манрамба" их сургуулийн захирал, Анагаах ухааны доктор Г.Одонцэцэг эмч хавар, зуны улиралд 35-аас дээш насныхан хурьцлын үйлийг тохируулан үйлдэх талаарх зөвлөгөө нийтэлсэн.

Тодруулбал, "Хавар, зуны улиралд хурьцлын үйлийг хэтрүүлбэл долоон тамирын шим барагдаж, хий хямарна, ялангуяа 35-с дээш насанд хөгшрөлтийн явцыг түргэсгэнэ. Хавар, зуны улиралд хурьцлын үйлийг хэтрүүлбэл дуслын шим, цаашлаад чөмөгний, ясны шим гэх мэт долоон тамирын шим барагдана, хий хямарна, ялангуяа 35-с дээш насанд хөгшрөлтийн явцыг түргэсгэнэ. Хаврын сүүл сар, зуны эхэн, дунд саруудад бодисын солилцооны эрч туйлдаа хүртэл доройтдог учир хурьцлыг хагас сард 1 удаа үйлдэнэ. 45-аас дээш насанд үйлдэхгүй байвал бүр сайн" хэмээсэн. 

Харин уг нийтлэлд уншигчид шүүмжлэлтэй хандаж байгаа. Тиймээс Г.Одонцэцэг зөвлөмждөө тайлбар өгсөн. Ингэхдээ "45 нас гэж тодруулж бичсэн учиртай. Энэ бол Уламжлалт анагаахын шүнгийн сургалттай их сургуулийн оюутнууд 2-р курсдээ үздэг хичээлийн нэг сэдэв. Учир нь уруу арилгагч хийн үйлдэл 40 наснаас эхлэн аажмаар доройтоход дуслын шимийн боловсролт 40 наснаас эхлэн аажмаар доройтсоор 50 насанд цэвэршдэг. Нэгэнт доройтож багасаж буй дуслын шимийг барж тамираа барахгүйн тулд ялангуяа тэжээлийн улиралд, ялангуяа 45-с дээш насныхан хурьцлыг багасгах нь зүйн хэрэг юм. Эрт 45-аас дээш насанд эр, эмгүй ясны шимээ барж өвдөгний үеэ солиулаад, шилбээрээ майжийгаад, аарцгаар нь хатгуулаад хазганаад явах вий, бөөр давсаг, сав, түрүү булчирхай нь өвдөх вий л гэсэндээ зөвлөж байгаа юм. За тэгээд хүслээ дагаж амьдарна уу, номоо дагаж амьдарна уу өөрсдийнх нь л асуудал юм даа" гэв.