Монголын анхны Cybertruck-ийг захирал нь ажилтандаа бэлэглэжээ. Тодруулбал, уг машин нь "Амжилт"-ын Ж.Шижирийнх бөгөөд тэрбээр өөрийн үүсгэн байгуулсан "Индра" кибер сургуулийнхаа ерөнхий захирал Г.Шинэбаяртаа машинаа бэлэглэжээ. Ж.Шижир "Яагаад гэвэл тэр үнэхээр сайн ажилласан. "Индра" кибер институтийн бүтээгдэхүүн хөгжүүлэлтийн ажлыг маш сайн хийж, илүү өндөр түвшинд авчирсан, Хүнсний 1-ийн ахлах сургуулийн орчин, сургалтын чанарыг шинэ түвшинд гаргасан, Яармагт шинэ бүрэн дунд сургууль байгуулж, баг хамт олноо бүрдүүлж, сургаж хөгжүүлж манлайлан ажиллаж амжилттай элсэлт хийж чадсан. Үүсгэн байгуулагчийн хувиар, энэ бүх хөдөлмөрийг нь үнэлээд, энэхүү онцгой бэлгийг өгч байгаа юм. Цаашдаа ч улам их хичээж, сургуулиа хөгжүүлж, хүүхдүүдэд сайн боловсрол олгож, баг хамт олноо манлайласаар байна гэдэгтээ итгэлтэй байна шүү" гэжээ.