"Ноорог" медиа багийн найман ажилтныг цагдаагийн байгууллагаас саатуулж, ажлын болон хувийн эд зүйлсэд нь үзлэг хийж хураан авсан. Улмаар А.О гэх ажилтанг нь сарын хугацаатай цагдан хорихоор шийдвэрлэсэн. Энэ үеэр хоригдсон иргэний төрсөн ах болох 

А.Баяржавхлан өөрийн нүүр хуудсаараа мэдээлэл хийж "Манай клубын арыг даадаг кибер гэмт хэрэгтэй тэмцэх газрын ажилтнууд надаас сар бүр 75 сая төгрөг авдаг" хэмээн онцолж энэ үйл ажиллагаандаа дүүгийнхээ дансыг ашигладаг тухайгаа дэлгэсэн. Харин үүний дараа ЦЕГ-аас мэдээлэл хийж "А.Баяржавхлангийн мэдээллийн дагуу цагдаагийн ажилтнуудыг шалгаж эхэлсэн" гэсэн. Мөн түүнийг "Шувуу" ажиллагааны хүрээнд БНТУ-аас албадан авчирна хэмээсэн. Уг үйл явдалтай холбогдуулан А.Баяржавхлангийн хамаарал бүхий хүмүүсийг холбогдох газруудаас дуудан мэдүүлэг авч, гар утсанд нь үзлэг хийсэн байна. Мөн "Ноорог"-ийн ажилтан А.О-аас гадна А.Баяржавхлангийн төрсөн дүү А.Б-г бас цагдан хорьжээ. 

БНТУ-д байгаа гэх А.Баяржавхлан нь 2024 оны есдүгээр сард Монголоос гарч явсан, урьд өмнө гэмт хэрэгт холбогдож байгаагүй аж.