Богд уулын энгэрт ХУД-ийн хогийн цэг бараадан арав гаруй жил амьдарч байгаа Л.Ренцэндоржийг Богдхан уулын дархан цаазат газрын хамгаалалтын захиргаанаас амьдрах нөхцөл байдлыг нь сайжруулах талаар ярилцаж байгаа аж. Тухайн иргэнийг холбогдох газрууд гурван удаа нийгэмшүүлэх арга хэмжээ авч түр хоноглох байр болон хамаатан саданд нь аваачсан ч тэрбээр жилийн аль ч улирал байсан эргээд ууландаа оччихдог. Хамгийн сүүлд л гэхэд өнгөрсөн оны 11 дүгээр сард "Өлзийт-Асар" түр хоноглох байранд хүргэсэн байдаг.  Гэвч хүйтний улиралд эргээд уулын энгэр дэх хадан дунд очиж амьдарч эхэлжээ. 

Тиймээс Богдхан уулын дархан цаазат газрын захиргааны зүгээс Л.Ренцэндоржид тухайн орчинд нь амьдрах гэртэй болгохоор ярилцаж байгаа аж.