Орос, Украины дайны гал зогсоох хэлэлцээг хийхээр талууд Саудын Арабт уулзсан. АНУ дайтагч талуудтай тус тусад нь уулзсан бөгөөд өдгөө Оросын шийдвэр нэн чухал байгаа юм.

Тэгвэл АНУ-ын хэлэлцээчид Риц-Карлтон тансаг зэрэглэлийн зочид буудалд Оросын талтай бараг 12 цагийг хэлэлцжээ. Тэдний ярилцаж хэлэлцсэн зүйлс бүрэн тодорхой болоогүй ч Хар тэнгисийн үр тарианы хэлэлцээг Москваг дахин сэргээх сонирхолтой байгаа, эрчим хүчний байгууламжуудын халдлагыг зогсоох зэрэг сэдэв хөндөгдсөн байна. Ямартай ч ашигтай хэлэлцээ болсон гэдгийг ОХУ-ын хэлэлцээч, Холбооны зөвлөлийн Олон улсын харилцааны хорооны дарга Григорий Карасин хэлжээ. "Бид бүх зүйлийн талаар хэлэлцсэн. Хэлэлцээ нарийн, төвөгтэй байсан ч гэлээ бидэнд болон АНУ-д нэлээн ашигтай байсан" гэж тэр хэлэв. АНУ, ОХУ өнөөдөр хамтарсан мэдэгдэл хийх төлөвтэй байна. Григорий Карасин тэргүүтэй Оросын төлөөлөгчид өнөөдөр орой Москва руу буцна.

Хэлэлцээ нэг зочид буудалд үргэлжилж байгаа ч Орос, Украины талууд бие биетэйгээ уулзааүй.

Харин АНУ, Украины талууд ашигт малтмалын гэрээнд гарын үсэг зурах төлөвтэй байгааг Трамп Даваа гаригт мэдэгдсэн байна.

ЭХ СУРВАЛЖ: BBC