АНУ-ын засаг захиргааны зарим албан тушаалтнууд ОХУ-ын Украины эсрэг явуулж буй дайны тухай Оросын эрх баригчдын хуурамч мэдээлэлд итгэж байна гэж Укрианы Ерөнхийлөгч Владимир Зеленский мэдэгджээ. 

Тэрбээр 3-р сарын 24-ний даваа гарагт TIME сэтгүүлд өгсөн ярилцлагадаа АНУ-ын тагнуулын байгууллагууд Москвагаас ирсэн мэдээллийг няцааж байгаа ч АНУ-ын албаныхан ОХУ-ын Ерөнхийлөгч Владимир Путинд итгэж эхэлсэн гэж мэдэгджээ.

Тухайлбал, тэрбээр АНУ-ын Ерөнхийлөгч Дональд Трампын Путинтэй утсаар ярьсны дараа Курск мужид бүслэгдсэн гэх Украины олон мянган цэргүүдийн талаарх мэдээлэл худал байсан гэж онцлон тэмдэглэсэн байна.

Түүний хэлснээр Оросууд Цагаан ордны багийн зарим гишүүдэд худал мэдээллээр нөлөөлж чадсан бөгөөд "Тэдний америкчуудад өгсөн дохио бол Украинчууд дайныг зогсоохыг хүсэхгүй байгаа бөгөөд тэднийг хүчээр зогсоох ямар нэг зүйл хийх хэрэгтэй" гэж Украины ерөнхийлөгч мэдэгджээ.

Үүний зэрэгцээ, Зеленскийн үзэж байгаагаар Трамп Оросуудыг буулт хийхэд нөлөөлөх боломжтой бөгөөд учир нь тэр бол Владимир Путины айдаг цорын ганц хүн гэсэн байна.

Эх сурвалж: DW