Баянгол дүүргийн 16 дугаар хороонд байшин шатаж байна гэсэн дуудлага 2025.03.25-ны өдрийн 08:36 цагт ирсэн. Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн бүрэлдэхүүнийг очиход 4х5 хэмжээтэй 2 давхар мансаардтай байшин, 4х7 хэмжээтэй 1 давхар байшин бүрэн шатаж байсан. Алба хаагчид шуурхай ажиллаж гал түймрийн тархалтыг 08:48 цагт зогсоож, 09:30 цагт бүрэн унтраалаа гэж ОБЕГ-аас мэдээллээ. 

Уг түймэр Бөмбөгөр худалдааны төвийн замын эсрэг талын гэр хороололд гарсан юм. Иргэд та бүхэн хаврын хуурайшлын үед анхаарал болгоомжтой байж ахуйн болон хээрийн, обьектийн түймрээс урьдчилан сэргийлэхийг уриалж байна.