Өчигдөр /2025.03.24/ нийслэлийн Сонгинохайрхан дүүрэг 32 дугаар хорооны нутаг дэвсгэрт  цахилгааны массны улмаас өвс ачсан машин шатсан. Мөн энэ өдөр Хэнтий аймгийн Батширээт сумаас баруун зүгт 15 км орчим газар өвс ачиж явсан ЗИЛ 131 автомашин шатаж байна гэсэн дуудлагаар Сумын ерөнхий зориулалттай мэргэжлийн ангийн 20 хүн, 4 тээврийн хэрэгсэл, 2 мотофомптой үүрэг гүйцэтгэж, хээрийн түймэр гарахаас урьтаж тархалтыг бүрэн унтрааж шуурхай ажилласан байна. 

Хаврын хуурайшилтын үе эхэлж ахуйн болон хээрийн түймрийн тохиолдол өдрөөс өдөрт нэмэгдсээр байна. Иргэд та бүхэн хариуцлагатай байж гал түймэр гарах эрсдэлээс байнга урьдчилан сэргийлж, өөрийн болон бусдын аюулгүй байдлыг хангахыг уриалж байна.