Энэ сарын 5-ны өдөр Сэлэнгэ аймгийн Ерөө сумын Тавин багийн Баруун шинэстэй хэмээх газарт нутагладаг малчин айлын үхрийг баавгай барьсан тохиолдол гарчээ.

Иймд иргэд, малчид анхаарал сэрэмжээ сайжруулж, хүүхдээ малд ганцааранг нь явуулахгүй байх, харгалзах хүнгүй гэрт үлдээхгүй байх, машин, мотоциклээ асахад бэлэн байлгахыг мэргэжлийн байгууллагаас анхаарууллаа.

Өнгөрсөн онд идэш тэжээлгүй болсон баавгай суурин газар, малчны хот руу дайрч, хүн, малд халдах тохиолдол улсын хэмжээнд нийт 114 гарсан байна.