Улаанбурхан өвчний халдварлалт маш өндөр. Халдвар авсан хүн амьсгалах, ханиах, найтаахад вирус ойр орчимд тархдаг. Халдварт өвчин дотроос халдварлах чадавхаараа хамгийн өндөрт ордог өвчний нэг бөгөөд халдварлалтын индекс нь 96-98% юм. Улаанбурхан өвчний эсрэг вакцин хийлгээгүй 10 хүн тутмын 9 нь уг өвчнөөр өвдөх эрсдэлтэй. Хүүхдүүдэд 9 сартайд, 2 настайд вакцин тарьдаг. Вакцины үр дүн 90 хувь. Вакцины дархлаа 20 ба түүнээс дээш жилийн хугацаагаар тогтоно.

Улаанбурханаар өвдсөн 5 хүн тутмын 1 нь хүндрэх эрсдэлтэй. Иймд эцэг эхчүүд та бүхэн бага насны хүүхдээ товлолт болон нөхөн дархлаажуулалтад хамруулж, улаанбурхан өвчнөөс урьдчилан сэргийлээрэй.