Улсын онцгой комиссын 2025 оны “Ой хээрийн гал түймрээс урьдчилан сэргийлэх, тэмцэх зарим арга хэмжээний тухай” 01 дүгээр албан даалгаврыг үндэслэн Сүхбаатар аймгийн Засаг даргын захирамж, Онцгой байдлын газрын даргын баталсан "Ой, хээрийн түймрээс урьдчилан сэргийлэх ажлыг эрчимжүүлэх" удирдамжийн хүрээнд Дарьганга сумын Шилийн богдын орчим түймэр гарах эрсдэлтэй бүсэд “Шуурхай бүлэг” томилогдон үүрэг гүйцэтгэж байна.

Тус шуурхай бүлэг Шилийн богд орчимд нутаглаж байгаа малчин өрх болон тээврийн хэрэгслийн жолооч, аялагч, иргэдэд хээрийн түймрээс урьдчилан сэргийлэх зөвлөн туслах үйлчилгээ үзүүлэн хяналт тавин ажиллаж байна.

Хуурайшилтын үед ИРГЭН ТА анхаарал болгоомжтой байж

- Ил задгай гал гаргахгүй,

- Цогтой үнс, нурам аа ил задгай асгахгүй тагтай саванд хийх,

- Хашаандаа өнжмөл шар өвс, хог шатаахгүй байх

- Автомашины эд ангид хуримтлагдсан шар өвсийг цэвэрлэх

- Автомашины янданд оч баригч байршуулах

- Гал түймэр унтраах анхан шатны багаж хэрэгсэлтэй байх

Иргэн та өөрийн болон бусдын эд хөрөнгийг хамгаалах, хээрийн түймэр гарах эрсдэлийг бууруулахыг онцгой анхаарч, хариуцлагатай байхыг анхааруулж байна