Баянгол дүүргийн XIV хорооны нутаг дахь “Москва” рестораны долоодугаар давхрын зоогийн газарт Г.Н гэх эмэгтэйг согтуу хүмүүс зодож гэмтээсэн талаар аав нь мэдээлэл хийсэн. Тэрбээр “Урьд шөнө миний охины биед мөнгөтэй, эрх мэдэлтэй хүмүүс халдаж, хүчирхийлсэн байна. Хүний охины хүүхдийг ингэж яргалж болдог юм уу" хэмээсэн. Уг хэргийг одоо Баянгол дүүргийн Цагдаагийн газрын I хэлтэст мөрдөн шалгаж эхэлсэн бөгөөд эмэгтэй хүн зодсон гэх "Москва" рестораны эзэн С.Батсүхийг хаана байгааг тогтоож, шалгахаар цагдаагийнхан ажиллаж эхэлжээ.