ХӨСҮТ-өөс улаанбурхан өвчний нөхцөл байдал, халдвар, тархалтын талаар мэдээлэл хийлээ.  
Эндээс онцлоход, "Улаанбурхан өвчний нийт 14 тохиолдолд бүртгэгдсэн байсан бол өнгөрсөн шөнө нэг тохиолдол нэмэгдлээ. Хөдөө орон нутгаас 12 хүүхдээс сорьц авч илгээсэн. Үүнээс гурав нь батлагдаж, үлдсэнийг нь сэжигтэй тохиолдол гэж үзэн давтан шинжилж байна. Ингээд нийт улаанбурханы 18 тохиолдол бүртгэгдлээ. Тиймээс хөдөө, орон нутагт тэр дундаа Өмнөговь аймагт өвчний халдвар тархах эрсдэлтэй байна. Улаанбурханаар бага насны хүүхдүүд өвдөх эрсдэл өндөр. Ялангуяа вакцин хийлгээгүй, вакцины хоёрдугаар тунгаас хоцорсон хүүхдүүд өвдөж байгаа. Тиймээс эцэг, эхчүүд хүүхдүүддээ вакцин хийлгэсэн эсэхийг нягталж, тунгаас хоцорсон бол нөхөн хийлгэхийг зөвлөе" гэлээ.