"Дэлхийн жендэрийн ялгааны тайлан"-д жендэрийн ялгааг эдийн засаг, боловсрол, эрүүл мэнд, улс төр гэсэн дөрвөн үндсэн чиглэлээр үнэлэхэд Монгол Улс Зүүн хойд Азийг тэргүүлсэн байна. 

Өнгөрсөн оны зургадугаар сард гаргасан дэлхийн хүйсийн ялгааны индексийн нэгдүгээрт бичигдсэн улс нь Исланд (0.935 оноо) байв. Оноо 0-д ойртох тусам жендэрийн эрх тэгш байдалд ойртоно гэсэн үг. Харин зүүн Азийн 14 орноос Филиппин нэгдүгээрт (0.779) ордог бол Зүүн хойд Азийн хүйсийн ялгааны индекс хамгийн өндөртэй улсаар Монгол Улс шалгарчээ. Тодруулбал, Зүүн Азийн 14 орноос Монгол (5), Солонгос (8), Хятад (12), Япон (14) зэрэг байр эзэлсэн байна. Сүүлийн үед Солонгос, Хятад, Япон гэсэн гурван улсын чансаа үе үе өөрчлөгдөж байгаа ч Монгол Улс хамгийн өндөр чансаагаа хадгалсаар байна.

Монгол Улс ДЭБС-аас гаргасан “Эдийн засгийн оролцоо ба боломж” ангилалд 43 дугаарт жагссан. Тэр дундаа Гүйцэтгэх захирал, ТУЗ гэх мэт өндөр албан тушаалд ажиллаж буй эмэгтэйчүүдийн эзлэх хувийн жингийн ялгаа олон улсын анхаалыг татдаг байна. Монгол Улс удирдах албан тушаалд ажиллаж буй эмэгтэйчүүд 41.95%-ийг эзэлдэг бөгөөд дэлхийд 31 дүгээрт жагсаж байна.