Монголын бурхан шашинтны төв Гандантэгчэнлин хийдээр сар шинийн хурлуудыг уламжлалын дагуу зохион байгуулдаг.

Энэ жилийн “Элдэв эрдэнэт” хэмээн модон могой жилд шинийн нэгэн тасарсан. Тиймээс хаврын тэргүүн сарын шинийн нэгний Их ерөөлийг билгийн тооллын шинийн 16 буюу аргын тооллын гуравдугаар сарын 16-ны өдөр "Батцагаан" дуганд нөхөж хурахаар болжээ. Сар шинийн өдрийн уламжлалт хурлын цаг,  өдөр тасарсан болон давхардсан бол нийт олноороо нөхөж хурдаг ёстой. Иймд сүсэгтэн олныг хүрэлцэн ирж, хурал номд даган баясах боломжтой гэж "Гандантэгчэнлин" хийдийн Хэвлэл мэдээлэл, олон нийттэй харилцах албаны дарга Ж.Одгарьд мэдээллээ.