Цэргийн төв эмнэлгийн эмч нар анх удаа амьд донороос бөөр шилжүүлэн суулгах мэс заслыг амжилттай хийлээ. Тодруулбал, Батлан хамгаалах яамны харьяа “Цэргийн төв эмнэлэг”-ийн бөөр шилжүүлэн суулгах баг анх удаагаа Улсын нэгдүгээр төв эмнэлгийн “Бөөр шилжүүлэн суулгах үндэсний баг”-тай хамтран Цэргийн төв эмнэлэгт амьд донороос бөөр шилжүүлэн суулгах хагалгааг амжилттай хийлээ. Энэхүү хагалгаа нь Монгол Улсад бөөр шилжүүлэн суулгасан 395 дахь тохиолдол бол Цэргийн төв эмнэлэг бөөр шилжүүлэн суулгаж түүхэндээ цоо шинэ хуудас нээсэн 2 дахь эмнэлэг болж байгаа юм. Цаашид тус эмнэлэг бөөр шилжүүлэх хагалгааг бүрэн нутагшуулсаны дараа нойр булчирхай, элэг, зүрх шилжүүлэх мэс засал хийх төлөвлөгөөтэй ажиллаж байна.