Таксины жолооч өсвөр насны хүүд бэлгийн дарамт үзүүлжээ

Нэгэн ээж таксины жолооч болон хамт явсан эмэгтэй нар эрэгтэй хүүхдийн биед халдсан талаар нийгмийн сүлжээнд нийтэлсэн. Тодруулбал "ИРГЭН: 51130322** Шүрэн***** гэдэг Ханбанкны данстай хүүхэн миний хүүг хүчирхийлсэн байна!!!

3-р сарын 7-ны орой 21:30 цагийн үед манай хүү сургуулийн бэлтгэлээ тараад такси барихад хоёр хүүхэн авсан байгаа юм. 51130322** Шүрэн***** гэдэг данстай. Хоёулаа явж байгаад нэг нь хойшоо сууж миний хүүг тэвэрч, үнсэж, чи зандан уу? Эгч нар нь чам шиг хүүхдэд дуртай, дугаараа өгчих гэж зөндөө шалсан байна. Бууя гэсэн чинь буулгахгүй, албаар тойрч явсан гэнэ. Эрэгтэй хүүхэд гэхээрээ ингэж болдог юмуу? Насанд хүрээгүй хүүхдийн хүчирхийлэл мөн биздээ... Миний хүү бүр шокны байдалтай айчихсан орж ирсэн. Арай заваан эрээ цээргүй хүчирхийлэгч нар хаа сайгүй болжээ. Иймэрхүү заваан үйлдэл гаргадаг хүмүүсийг "За сүртэйн гэж өнгөрөөж баймааргүй байна! Дахиад нэг хүүхдийг ингэнэ биз дээ" гэж нийтэлсэн. 

Энэ талаарх гомдол мэдээлэл цагдаагийн байгууллагад ирсэн эсэхийг тодруулахад "Цагдаагийн байгууллагаас хохирогчтой холбогдож ХУДЦХ-1 хэлтэст бүртгэлд оруулж шалгалтын ажиллагаа явуулж байна" гэв.