Дорнод аймгийн Чойбалсан хотын гуравдугаар багийн нутаг дэвсгэр дээр баригдах байсан 640 хүүхдийн хүчин чадалтай сургуулийн барилга зургаан жил гацжээ. Уг барилгын ажлыг авсан “Шимт газар” компани 5.4 тэрбумын санхүүжилттэй энэхүү ажлын 24 хувь буюу хоёр тэрбум орчим төгрөгийн санхүүжилтийг авсан боловч зургаан жил балгас мэт зогсоосон. Боловсролын сайд П.Наранбаяр газар дээр нь үзэж танилцаад “Шимт газар” компанитай хариуцлага тооцож, гэрээг цуцалж, улсыг хохиролгүй болгох шийдвэр гаргалаа.