Хогийн цэгээс алдсан гэх хээрийн түймэр гурван аймгийн долоон сумыг хамраад байна.

Хөлөнбуйр сумын нэгэн иргэн "Энүүгээр нэг уйлсан , халагласан хүмүүс. Баян -Овоогоос орж ирсэн гал 27 жилийн хөдөлмөрийг нь үгүй хийлээ. 2008 онд гэрлээд 50 малтай өрх тусгаарлан 700 гаруйд хүргээд өнөөдөр байхгүй. Олон айлын ийм зовлон харагдаж байна. Хонь, ямаа нь нүдэн дээр нь шатаж, зарим нь нэг нь үхээгүй тарчлах энэ байдал малчдад ямар хэцүү байхав дээ. Сумын дарга болон цагдаагийнхан хохирол тогтоохоор ажиллаж байхад өшөө ч ихээр нэмэгдэхээр л юм байна. 15 айл, 26 хашаа саравч 4 машин энэ бол урьдчилсан тоо байна. Ядаж байхад салхи нь ердөө ч тогтохгүй. Түймэр гарсан газар улам л салхилаад байдаг юм шигээ. Ийм л элэг эмтрэм, зүрх чичрэм дүр зураг Хөлөнбуйр суманд үлджээ. Хариу арга хэмжээг хурдан аваасай билээ. 2025-03-10-нд 14.00 цагийн орчимд Батхаан багаас" хэмээн нийтэлжээ. 

Хөлөнбуйр сумын ОБГ-тай холбогдоход одоогийн хохирсон айлын болон малын тоо хэлэх боломжгүй байна. Холбогдох албаныхан гурван баг болоод айлууд руугаа гарч байна гэлээ.