2023 онд замд зам тээврийн ослоор өөд болсон иргэний ар гэрээс элэг, бөөр, түүний эргэн тойронд байгаа судсыг авах талаар зөвшөөрөл авсан ч шөрмөс, тойг яс, шаант ясны бэхдэгдэх хэсэг, жийргэвч шөрмөс semimembronosus шөрмөсийг шаант ясны дээд булуу, хоёр дунд чөмгөний доод булуу, archillis шөрмөс, peroneus longus шөрмөс, tibialis anterior шөрмөс зэрэг доод мөчдийн эд, цөсний хүүдий зэргийг зөвшөөхөлгүйгээр тайлбарлахгүйгээр нуун дарагдуулж, хууран мэхэлж авсан хэрэг гарсан. Уг хэрэгт Эрүүл мэндийн яамны Эрүүл мэндийн Хөгжлийн төвийн Эс, эд, эрхтэн шилжүүлэн суулгах үйл ажиллагааг зохицуулах албаны даргаар ажиллаж байсан П.Батчулууныг холбогдуулан шалгаж, Баянгол, Хан-Уул, Сонгинохайрхан дүүргийн эрүүгийн хэргийн тойргийн анхан шатны шүүхээс   хүний цус, эс, эд, эрхтнийг хууль бусаар авсан гэм буруутайд тооцож, 2.6 жилийн хорих ял оноосон. 

Харин П.Батчулуун анхан шатны шүүхийн шийдвэрийг эс зөвшөөрч, давж заалдах шатны шүүхэд гомдол гаргасан бөгөөд уг гомдлыг Нийслэлийн Эрүүгийн хэргийн Давж заалдах шатны шүүх энэ сарын 13-ны /2025.03.13/ өдөр хэлэлцэхээр боллоо.