Английн Лондон хотод Палестины далбаа барьсан нэгэн иргэн "Вестминстер"-ийн ордны цагтай цамхаг руу авирч, түүнийг 16 цагийн дараа цамхгаас буулгасан хэрэг өчигдөр /2025.03.09/ гарсан байна. 

“The Independent” сонины мэдээлснээр, "Палестины далбаа барьсан иргэнтэй аврагчид галын өргөгч дээрээс гурван удаа хэлэлцээр хийж, түүнийг буухыг хүссэн ч тэрээр татгалзаж, ойртож очвол бүр өндөрт гарна гэж сүрдүүлсэн" байна. Палестины далбаатай иргэн бямба гараг /2025.03.08/-ийн өглөө 07.00 цагийн орчимд Вестминстер"-ийн ордны цагтай цамхагт авирч, шөнө дундын үед түүний буулгаж, дараа нь баривчилсан байна.

Тус үйл явдлаас болж "Вестминстер"-ийн гүүр хаагдаж, Английн парламентын ордонд хийх байсан бүх аялал цуцлагджээ. Харин энэ үеэр "Вестминстер"-ийн цамхагийн орчимд хэсэг хүмүүс цугларч, “Чөлөөт Палестин”, “Чи бол баатар” гэх мэт уриа лоозон барьсан байжээ. Энэхүү хэрэг явдал нь АНУ-ын Ерөнхийлөгч Д.Трамп Газын зурвасаас палестинчуудыг түр нүүлгэн шилжүүлнэ гэж мэдэгдсэнтэй холбоотой байж магадгүй байгаа аж. 

Эх сурвалж: BBC