Нийгмийн сүлжээнд иргэн Д.Мөнх-Эрдэнэ байрандаа амьдарч байгаад "Оргил"-ын Ж.Ганбаатар гэж шуналын бузарын кранд даруулж үхэх юм байна хэмээн лайв хийсэн.  

Сүхбаатар дүүргийн гуравдугаар хорооны Циркийн хажууд кран унах гээд байна гэсэн дуудлага 03.09-ний өдрийн 00:31 цагт ирсэн. Дуудлагын дагуу Нийслэлийн Аврах ангийн алба хаагчдыг очиход баригдаж буй барилгын кран хажуугийн 16 давхар хотхоны дээвэр дээрх хаягийг цохиж, краны ган татлагатай орооцолдож, доош унах эрсдэлтэй байсныг аюулгүй болгосон. Аврах ангийн бүрэлдэхүүн аюулгүй байдлыг хангаж ажилласан, бэртсэн хүн байхгүй гэж Онцгой байдлын ерөнхий газраас мэдээллээ. "Ub central" байшинтай зэрэгцээ баригдаж буй уг барилгыг “Камдер” ХХК барьж байгаа аж.