Өнөөдөр /2025.03.06/ ногоон автобусны болон Дүнжингаравын уулзварын дэлбэрэлтийн хэргийг шүүх хурал тус тус болохоор зарласан. 

Харин хийн түлш ачсан машин дэлбэрч долоон хүн нас барж, 207 дугаар байрны оршин суугчид амьдрах байргүй болсон зэрэг олон хохирогчтой эл хэргийн урьдчилсан хэлэлцүүлэг тодорхойгүй хугацаагаар хойшилжээ. Шалтгаан нь тус хэргийг шүүх шүүгч нь ногоон автобусны хурлын бүрэлдэхүүнд ажиллаж байгаа учраас хурлыг хойшлуулахаар болсон байна. Харин ногоон автобусны шүүх хурал өнөөдөр 13.30 цагаас үргэлжилнэ гэлээ. 

Ташрамд дурьдахад, газ дэлбэрэлтийн хэрэгт хоёр хүнийг яллагдагчаар татсан. Энэ нь "Дашваанжил" ХХК-ийн захирал, том оврын машины жолооч хоёр юм.