Улаанбаатар хотын Багануур дүүргийн 1-р хорооны нутаг дэвсгэрт "Багануур" цахилгаан түгээх дэд станцыг түшиглэн 50 МВт-ын хүчин чадалтай батарейны цахилгаан станц байгуулсан.

Өнгөрсөн оны арванхоёрдугаар сарын 13-наас төвлөрсөн системд цахилгаан өгч эхэлсэн. Өнөөдрийн байдлаар 14210.5 МВт.цаг цахилгаан эрчим хүч нийлүүлж, төвийн бүсийн эрчим хүчний систем, тэр дундаа Улаанбаатар хотын эрчим хүчний системд томоохон хувь нэмэр оруулж байна. Энэхүү станц нь байгальд ээлтэй ногоон эрчим хүч үйлдвэрлэж, хуримтлуулсан цахилгаанаа шөнийн цагаар хуримтлуулсны дараа оргил ачааллын үед дахин сүлжээнд нийлүүлдэг. Монгол инженер, техникийн ажилтнууд, ажилчид станцыг амжилттай ажиллуулж байна. Улаанбаатар хотын эрчим хүчний хэрэгцээг дотоодоосоо бүрэн хангахын тулд шат дараалсан төслүүд хэрэгжиж байна. Энэ ажлын хүрээнд дотоодын зах зээлд анх удаа бонд гаргаж, 600 МВт-ын хүчин чадалтай Бөөрөлжүүтийн цахилгаан станц төслийн эхний 150 МВт-ын станцыг өнгөрсөн аравдугаар сард ашиглалтад оруулсан.

Ингэснээр Бөөрөлжүүтийн цахилгаан станцын эхний ээлж 150 МВт эрчим хүчийг төвийн системд нийлүүлж байна. Хотын дарга Х. Нямбаатар "Улаанбаатар хотын эрчим хүчний хангамжийг нэмэгдүүлэх зорилготой Бөөрөлжүүтийн цахилгаан станцын хоёрдугаар блокийн барилга угсралтын ажил 2023 онд эхэлсэн. Уурын зуухны угсралтын ажил 40 хувьтай, барилгын ерөнхий явц 25 хувьтай, уурын зуух болон үндсэн барилгын хашааны ажил 2023 онд хийгдээд байна. 660 МВт-ын хүчин чадалтай дулааны цахилгаан станц барих ажлын урьдчилсан судалгаа, бэлтгэл ажил хийгдэж байна.