Цахим орчинд "Чингис хаан" Олон улсын нисэх буудлын нэрийг барьж хуурамч хаягнаас "Нисэх буудлын агуулахыг чөлөөлж, алдагдсан ачааг 7230 төгрөгөөр зарна, улсын хэмжээнд хүргэлттэй, зар дээрх товчлуур дээр дарж онлайнаар захиалга өгнө үү" гэсэн утга бүхий хуурамч мэдээлэл түгээж байна. Доорх хаяг нь "Чингис хаан" Олон улсын нисэх буудлын нэрийг барьсан хуурамч хаяг бөгөөд иргэд та бүхэн сэрэмжтэй байж линк дээр дарахгүйгээр мэдээллийн үнэн зөв байдлыг нягталж, цахим орчны халдлагаас сэргийлэн, сонор сэрэмжтэй байна уу гэж "Чингис хаан" ОУНБ-аас сэрэмжлүүлсэн. 

Уг залилан нь олон улсын нисэх буудлуудын нэрийг ашиглаж үйлддэг гэмт хэрэг бөгөөд үүнийг монгол хэл рүү орчуулан хуурамч цахим хуудас нээн түгээж эхлээд байна. Тухайн залилангийн холбоос дээр дарснаар хувийн мэдээллээ алдах, мөнгө шилжүүлж залилуулах зэрэг олон эрсдэлтэйг Цагдаагийн байгууллагаас анхаарууллаа.