ЦЕГ: Сар шинийн баяраар мөнгөн эдлэл, аяга, үстэй дээл, цагаан идээ, ууц, өвчүү, бууз зэрэг хулгайд алдагддаг тул та бүхэн анхаарал сэрэмжтэй байхыг анхаарууллаа

2025-02-25,   181

Монголын уламжлалт “Сар шинийн баяр” болох гэж байгаатай холбогдуулан Цагдаагийн байгууллагаас “Сар шинэ” нэгдсэн арга хэмжээг улсын хэмжээнд зохион байгуулж байна.

Дээрх арга хэмжээний хүрээнд өнгөрсөн 7 хоногт явган эргүүлийн 1301 чиглэлд 2700, авто эргүүлийн 1092 чиглэлд 2182 алба хаагч хяналт шалгалтаар ажиллаж 19 гэмт хэрэг, 4097 зөрчлийг илрүүлэн ажиллаж байна.

Өнгөрсөн жилүүдэд “Сар шинийн баяр”-ын өдрүүдэд гэр, орон сууц /гэр хороолол/ зуслангийн бүсэд хулгайлах гэмт хэрэг гарч цагдаагийн байгууллагад ихээр бүртгэгдэж байсан. Гэмт этгээдүүд амар хялбар аргаар зарж болох мөнгөн эдлэл, аяга, үстэй дээл, цагаан идээ, ууц, өвчүү, бууз зэрэг хялбар борлуулагдахуйц эд зүйлсийг хулгайд алдсан талаар дуудлага, мэдээлэл иржээ. Иймд иргэд “Сар шинийн баяр”-ын олон хоногоор хөдөө явж гэр, орон сууцаа эзэнгүй олон хоног үлдээдэг. Олон хоног гэр, орон сууцаа эзэнгүй үлдээх гэж байгаа бол та хаалга, цоожны бүрэн бүтэн байдлыг шалгаж, ойр дотны хэн нэгэн сайтар захиж, монгол гэр, сууцны үүдны амбаар зэргийг ил цоожоор цоожлохгүй байх зэрэг зүйлийг анхаарах нь хулгайн гэмт хэргээс урьдчилан сэргийлж чадна.


 

Эх сурвалж: ЦЕГ


ЦЕГ: Сар шинийн баяраар мөнгөн эдлэл, аяга, үстэй дээл, цагаан идээ, ууц, өвчүү, бууз зэрэг хулгайд алдагддаг тул та бүхэн анхаарал сэрэмжтэй байхыг анхаарууллаа
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.