2025 оны хоёрдугаар сарын 21-24-ний өдрүүдэд нийслэл хотын нийтийн тээврийн автобусны үйлчилгээтэй холбоотой зургаан гомдол НТБГ-т ирсэн бөйна.

Тухайлбал, автобус гэнэт хүчтэй тоормосолсны улмаас сандал дээр сууж явсан иргэн унаж шанаагаа гэмтээжээ. Энэ нь уг жолоочийн буруутай үйлдэл болох нь тогтоогдсоноор Зөрчлийн тухай хуулийн 14.6.9 заалтын дагуу иргэнд учруулсан хохирлыг төлүүлж, 25,000 төгрөгөөр торгожээ.

Түүнчлэн "Хүүхдийн картын үлдэгдэл хүрэлцэхгүй байхад хөөж буулгасан", "Зорчигчидтой муухай харьцаж хэл амаар доромжилсон", "Буудал дээрээс хүнээ авахгүй явсан", "Өглөө цагтаа явахгүй, зогсоод байсан" зэрэг гомдол ирсний дагуу хяналтын камерыг шүүж зарим жолоочид сануулга өгчээ. Нийтийн тээврийн үйлчилгээний талаарх санал, гомдлыг 7004-4040 дугаарын утсанд мэдээлэх боломжтой.