Сар шинийн баярын бэлтгэл ажлын үеэр замын хөдөлгөөний ачааллыг бууруулах зорилгоор хоёрдугаар сарын 22-27-ны өдрүүдэд автомашинууд улсын дугаарын тэгш сондгойгоор замын хөдөлгөөнд оролцуулах зохицуулалт хэрэгжиж байна. Гэвч жолооч нар өөрийн дугаар зорчихгүй өдөр замын хөдөлгөөнд оролцох тохиолдол гарсаар байна. Тэгвэл энэ тохиолдолд Зөрчлийн хуулийн 14.7.57 заалтаар хариуцлага тооцох бөгөөд торгуулаад цааш явсан ч дараагийн цагдаа дахиад торгох аж.

Зөрчлийн хуулийн 14.7.57: Замын хөдөлгөөний түгжрэл, саатлыг зохицуулах зорилгоор аймаг, нийслэлийн Засаг даргаас харьяа нутаг дэвсгэртээ Монгол Улсын хууль тогтоомж, Замын хөдөлгөөний дүрэмд нийцүүлэн тээврийн хэрэгслийн хөдөлгөөнд хязгаарлалт тогтоосон захиргааны хэм хэмжээний актыг зөрчсөн бол хүнийг хорин нэгжтэй тэнцэх хэмжээний төгрөгөөр, хуулийн этгээдийг хоёр зуун нэгжтэй тэнцэх хэмжээний төгрөгөөр торгоно.