Энэ жилийн цагаан сарын амралтын тухайд бямба, ням гарагт таарч, даваа гарагаас төрийн байгууллага, бүх шатны боловсролын байгууллагын үйл ажиллагаа эхэлж байгаа. Иргэд олон нийт бүх нийтээр амрах энэ өдрүүдийг ажлын өдөр рүү шилжүүлэх хүсэлтээ нийгмийн сүлжээнд илэрхийлсээр байна. МУИС-ийн Оюутны холбоо ч энэ асуудлаар хүсэлт гаргасан ч, хүлээж аваагүй байна. Тодруулбал, уг хүсэлтэд "Сар шинийн өдрүүдэд сургалтын үйл ажиллагаанд ямар нэг өөрчлөлт оруулах чиглэл засгийн газар болон төв захиргааны байгууллагаас ирээгүй тул холбогдох дүрэм журмын хүрээнд үүргээ биелүүлнэ үү" гэсэн хариу өгчээ.