Цахим мөрийтэй тоглоомтой тэмцэх Ерөнхий сайдын захирамж гарч, энэ дагуу харилцаа холбоо, цагдаа, тагнуул, санхүүгийн салбарынхнаас бүрдсэн Ажлын хэсэг байгуулагдлаа. Үүний эхний үр дүнд мөрийтэй тоглоомын домайн хаягуудыг хааж эхэллээ. Тодруулбал,  

ЗГХЭГ-ын дарга Н.Учрал, Цахим мөрийтэй тоглоомын эсрэг хурдтай, шуурхай ажиллаж байна. Монголчуудын амьдралыг сүйрүүлж, эдийн засагт сөрөг нөлөө үзүүлж жил бүр ОХУ руу 500 сая доллар урсгаж буй 1xbet-ийг сурталчилсан, адил төстэй байдлаар цахим мөрийтэй тоглоомын үйл ажиллагаа явуулдаг есөн домэйн хаягийг ХХЗХ-ноос хаалаа. Түүнчлэн 100 гаруй Facebook хаяг, группийг хаалгах хүсэлтийг META руу илгээгээд байна. Цаашид 1xbet сурталчилдаг хаягуудыг шат дараалан хаана. Ойрын хугацаанд "Зөвшөөрлийн тухай хууль"-д өөрчлөлт оруулж, цахим мөрийтэй тоглоомыг хориглох арга хэмжээг авахаар ажлын хэсэг ажиллаж байна" гэж мэдээллээ.