Баянзүрх дүүрэг сар шинийг угтаж бүх нийтийн их цэвэрлэгээ хийж байна

БЗД-ийн хот нийтийн аж ахуйн чиглэлийн 17 байгууллага, 78 төрийн байгууллага, 52 сургууль, 61 цэцэрлэг, 330 СӨХ, хувийн хэвшлийн 2762 байгууллага, иргэдийн бүлэг болох 8404  иргэн цэвэрлэгээ хийж одоогийн байдлаар 294302 мкв талбайгаас 1,260 тонн хог хаягдлыг цэвэрлээд байна. 

Баянзүрх дүүргийн Засаг даргын Тамгын газрын харьяа 22 байгууллагын 600 албан хаагч 16 байршилд түүвэр хогийн цэвэрлэгээ хийлээ. Зам талбайн цэвэрлэгээ үйлчилгээний байгууллагууд 75 автобусны буудал, 112 хогийн сав, 148 сандал, 238 замын тэмдэг тэмдэглэгээ, 2800 метр урт хайс, хашлага, 3468 хаяг, хаягийн байгууламж, 36 хүүхдийн тоглоомын талбай угаахад 2900 литр зориулалтын угаалгын бодис хэрэглэлээ. 

Гэр хорооллын есөн цэгт үүссэн үүсмэл хог хаягдлыг устгаж, ачиж тээвэрлэсэн бөгөөд Энхтайваны өргөн чөлөөний зам дагуу 289 ширхэг гэрэлтүүлгийн шон угааж, засварлаж ажиллалаа

БЗД-ийн Засаг дарга  Г.Жаргалсайхан, БЗД-ийн тохижил, нийтийн аж ахун хэлтсийн дарга Н.Билэгсайхан: Бүх нийтийн их цэвэрлэгээ дүүргийн нутаг дэвсгэрийн хэмжээнд үргэлжлэх бөгөөд гуу жалга, гүүрний хог, хаягдал цэвэрлэж, хүүхдийн тоглоомын талбай, хөшөө дурсгалын газруудыг зориулалтын бодисоор угааж, цэвэрлэх юм. Иймд иргэд, оршин суугчид та бүрэн эрүүл, аюулгүй орчинд амьдрах нөхцөлд хувь нэмрээ оруулж үүрэг, хариуцлагатай их цэвэрлэгээнд идэвх, оролцоотой байхыг  БЗД-ийн аж ахуй, байгууллагууд иргэддээ уриаллаа