Уур амьсгалын өөрчлөлтийн нөлөөлөл, малчин өрхөд тулгарч байгаа хүндрэл бэрхшээлийн чиглэлээр судалгаа хийж байна

2025-02-20,   309

Онцгой байдлын ерөнхий газрын дэргэдэх Гамшиг судлалын үндэсний хүрээлэнгээс "Монгол орны өвлийн гамшигт уур амьсгалын өөрчлөлтийн нөлөөлөл, малчин өрхөд тулгамдаж буй асуудал" сэдэвт судалгаа хийж байна. Тус судалгаа нь Австрали Улсын Засгийн газрын дэмжлэгтэйгээр хийгдэж байгаа бөгөөд энэ өдрүүдэд хээрийн судалгаа хийгдэж байна. Хээрийн судалгааг баруун, зүүн, говийн бүсийн аймгийг зориудын түүврийн аргаар сонгон хийж байгаа юм. 

Судалгааны багт Говийн бүсэд дэд хурандаа П.Чимэдцэрэнгээр ахлуулсан баг, Зүүн бүсэд  ахмад Т.Өсөхжаргалаар ахлуулсан баг, Баруун бүсэд ахмад Д.Нарантуяагаар ахлуулсан судалгааны баг буюу нийт гурван баг ажиллаж байна.

Хээрийн судалгааг малчин айл өрхүүдтэй уулзалт зохион байгуулан, уур амьсгалын өөрчлөлтийн нөлөөлөл, малчин өрхөд тулгарч байгаа хүндрэл бэрхшээл, сум багийн түвшинд энэ талаар авч хэрэгжүүлж байгаа арга хэмжээ зэргийг асуумжийн болон бүлгийн ярилцлагаар явуулж байна. Мөн сумын холбогдох мэргэжилтнүүдэд гамшгийн эрсдэл, гамшгийг даван туулах чадавхын чиглэлээр сургалт зохион байгуулан ажиллаж байна. 


Уур амьсгалын өөрчлөлтийн нөлөөлөл, малчин өрхөд тулгарч байгаа хүндрэл бэрхшээлийн чиглэлээр судалгаа хийж байна
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.