2025 оны хоёрдугаар сарын 20-ны өдрийн 12 ордын зурхайг хүргэж байна. 

Хонь: Аливаа бэрхшээл тодорхой цаг хугацааны дараа түр зуурынх л байсан нь тодорхой болдог. Иймд хүндрэлтэй асуудалд санаа зоволгүй, хийх ёстой ажилдаа л төвлөр. Чухал арга хэмжээ зохион байгуулах, ажил хэргийн уулзалт хийх шаардлага гарна. Үйл явдлыг хэт түргэсгэх гэж эрсдэлтэй алхам хийх хэрэггүй.

Үхэр: Эрсдэлтэй арилжаа наймаа хийх бол сайн цаг иртэл хойшлуул. Урьдын тасарсан нөхөрлөл сэргэх үйл явдал тохиолдоно. Энэ холбооны ач холбогдол хожим тодорно. Мөн шинэхэн танилтай болох нь ч таатай нөлөөтэй гэдгийг од эрхэс зөгнөж байна. Хувийн зан чанараа хэт ил гаргах хэрэггүй.

Ихэр: Таны хүрээлэлд байдаг ч амьдралын өчүүхэн сорилтод тэнцэхгүй хүмүүсээс хол бай. Өнөөдөр хайртай хүн чинь сэтгэлд хүрэхгүй байж мэднэ. Гэхдээ өөрийн амьдралаа хэт дэврүүн мөрөөдөлтэй бүү зүйрлүүл. Танд амьдрал дэндүү бүрхэг санагдаж, сэтгэлээр унахын нэмэр. Өөртөө байгаа бүхнээ үнэлж, үнэнтэй эвлэр. Итгэл найдвараа хий дэмий зүйлд дэнчин болгон тавих хэрэггүй.

Мэлхий: Нөлөө бүхий хүмүүст өөрийгөө харуулах боломж олдоно. Хэрэв та энэ боломжийг алдвал гомдолтой байх болно шүү. Өөртөө шаардлага тавихгүй байх эсвэл эргэлзэж тээнэгэлзэн ашигтай саналуудаас татгалзвал дараа нь харамсана гэдгээ санаарай. Тууштай бай. Таны шударга эсэхийг сорих янз бүрийн тохиолдол өнөөдөр учирна.

Арслан: Нөхцөл байдал тогтворгүй болох хандлага илрэх боловч энэ үеийг дажгүй давна гэдэгт найдаж болно. Бусдад биелэгдэшгүй амлалт бүү өг. Хийж чадах зүйлээсээ илүүг өөртөө бүү үүр. Удахгүй хувь заяанд тань эргэлт гарах магадлалтай. Бүх зүйлд бэлэн байхын тулд эрч хүчээ гамна. Хүсмээргүй газартаа очих эсвэл дургүй хүмүүстэйгээ харилцах хэрэггүй. Харин ойр дотнын хүмүүстэйгээ нөхцөл байдлын талаар илэн далангүй ярилцаж, цагийг үр дүнтэй өнгөрөө.

Охин: Бухимдлаа барихгүй бол ойр дотнын хүмүүсээ өөрөөсөө түлхэнэ. Тогтворгүй нөхцөл байдал бий болно. Сэтгэл санааны өөрчлөлтөөс ихээхэн зүйл шалтгаална. Ажилдаа төвлөрөхөд хэцүү бол өөр хялбар зүйлээр оролдож, цагийг өнгөрүүл. Зарим зүйлийг хүчээр хийх гэж өөрийгөө зовоох хэрэггүй.

Жинлүүр: Өнөөдөр зарим хүмүүс таны эсрэг нэгдэж үгссэн мэт хардлага төрөх байх. Ийм үед ойр дотнын хүн биш л бол өөрийн санаа зовоосон асуудлаа бусдад бүү дэлгэ. Бусдын нуруун дээр өөрийн бэрхшээлийг бүү үүрүүл. Зарим бурууг хараагүй мэт өнгөрөх хэцүү байсан ч хэлэх үгээ өөртөө үлдээхэд гэмгүй. Сэтгэл доторх бухимдлаа ил гаргалгүй, даван туул.

Хилэнц: Гүйцэтгэж буй ажлынхаа чанар стандартад анхаарлаа төвлөрүүл. Та бүгдийг товлосон хугацаандаа хийж амжих хэрэгтэй байна. Үүний тулд илүү шаргуу дайчин бай. Өмч хөрөнгөтэй холбоотой маргаан гарна. Өөрийн эзэмшлийн эд хөрөнгийг ашигтай нөхцөлөөр эргэлдүүлэх санаа төрнө. Хамтрагч нартаа хүсэл зорилгоо тодорхой ойлгуулахгүй бол зөрчил гарах магадлал их байна.

Нум: Томоохон олон нийтийн арга хэмжээнээс таашаал авна. Танд итгэж, дэмждэг хүмүүсийн итгэлийг бүү алд. Болгоомжтой байж, ажил мэргэжлийн нууцаа сайн хадгал. Хүлээлтэд хүрээгүй уулзалт болж магадгүй . Ямар ч саад бэрхшээлийг даван туулж, өөрийн амжилтад бахархах хүсэл оргилно. Гэхдээ мөрөөдөл бодит байдал хоёрыг ялгах цаг болжээ.

Матар: Бодол санаагаа хяналтдаа байлга. Учир нь энэ өдөр санамсаргүй хэлсэн үгнээс болж зөрчил үүсэж магадгүй. Төлөвлөсөн бүхэн биелэх болно гэдэгт итгэ. Ажлын ачааллаа зохицуулах үйл ажиллагаа зохион байгуул. Их ажиллаж ядарсан хүмүүс өнөөдөр өөрийгөө сайн асарснаар аз жаргал ойрхон байгааг мэдэрч чадна.

Хумх: Бүтэлгүйтсэн хайрын харилцаандаа буцаж татагдах нь таагүй байдал авч ирнэ. Өмнө нь таныг гомдоосон хүнд дахин хууртахаас болгоомжил. Удаан хугацааны ажлын ачаалал таны бие сэтгэлийг ядаргаанд оруулна. Шийдэмгий, эр зоригтой, зорилгодоо хүрэх тэмүүлэлтэй байх хэрэгтэй. Чухал баримт бичигт гарын үсэг зурах, гэрээ хэлэлцээр байгуулах бол анхааралтай бай.

Загас: Өөрийгөө болон бусдыг хуурах хэрэггүй. Тааламжгүй нөхцөл байдлаас ямар нэг хуурмаг мэхлэлтээр мултрах гэсэн хүсэлдээ бүү автаарай. Болохгүй бол бүгдийг түр орхиж амрах хэрэгтэй. Зарим үед шүд зуун шударгаар урагш зүтгэ. Шаардлагатай үед буулт хийх чадвартай бай. Нөхцөл байдал ихээхэн сэтгэлийн болон биеийн хүч гаргахыг шаардана.