Өмнөд Солонгосын А зэрэглэлийн жүжигчин 24 настай Kim Sae-Ron нь Сөүл дэх гэртээ нас барсан байдалтай олджээ. Тэрээр 2009 онд “A Brand New Life” кинонд асрамжийн газарт хаягдсан охины дүрээр Каннын кино наадамд оролцож, хүүхдийн жүжигчний карьераа эхлүүлж олонд танигдсан юм. Улмаар 2010 онд “The Man from Nowhere”, 2012 онд “The Neighbors”, 2014 онд “A Girl at My Door” зэрэг кино, драмад дүр бүтээж мега стар болжээ. Түүний хамгийн сүүлд тоглосон дүр нь Netflix-ийн 2023 оны "Bloodhounds" К-драм юм. Жүжигчин Kim Sae-Ron карьер гайхалтай байсан хэдий ч 2022 оны тавдугаар сард согтуугаар тээврийн хэрэгсэл жолоодон осол гаргаснаар шүүмжлэлд өртөж эхэлсэн. Олон нийт түүний тоглосон кино, рекламыг эсэргүүцэн "залуу үед буруу үлгэр дууриал үзүүлсэн" хэмээх болов. Хэдийгээр уучлалт гуйж 14.000 ам.доллараар торгуулсан ч "шоронд суух ёстой" гэх шүүмжлэл зогссонгүй. Улмаар олон нийтийн өмнө цөөн харагдах болжээ. 

Энэ явдал Өмнөд Солонгосын энтертайнмент салбарт ажиллагсдын сэтгэцийн эрүүл мэнд, олон нийтийн байнгын дарамт шахалтад санаа зовниход хүргэж байна. Энтертайнмент агентлагууд жүжигчиддээ сэтгэл зүйн зөвлөгөө өгөх үйлчилгээ, илүү уян хатан цагийн хуваарь зэрэг сэтгэцийн эрүүл мэндийг дэмжих янз бүрийн системийг хэрэгжүүлсэн ч үр дүн гарсангүй. Ажиглагчид К-энтертайнментийн өрсөлдөөн ихтэй, олон нийтийн хүчтэй хяналт, гадаад төрх байдал, зан авираараа төгс төгөлдөр байх хүлээлт зэрэг нь олны танил одуудад сөргөөр нөлөөлж буйг дүгнэж байна.

Эх сурвалж: https://edition.cnn.com/2025/02/17/asia/south-korean-actor-kim-sae-ron-dead-intl-hnk/index.html