Нийтийн тээврийн бодлогын газарт иргэдээс ирсэн талархлыг хүлээн авч, санал, гомдол, хүсэлт бүрийг тухай бүрд нь шийдвэрлэн ажиллаж байгаа. Тус газарт 2025 оны 02 дугаар сарын 12-14-ны өдөр иргэдээс ирсэн санал, хүсэлт, гомдлыг хэрхэн шийдвэрлэснээ мэдээллээ. Эндээс онцлоход, Баянгол дүүргийн иргэн А.Г: 13-122 гарааш дугаартай автобусны жолооч Ч:20Б чиглэлд ажиллахдаа бэлэн мөнгөний хайрцаг дээрээ скоч наасан зорчигчдоос бэлэн мөнгө аваад яваад байна. Шаардлага тавьсан чинь чамд хамаагүй гэсэн. Арга хэмжээ авч хариу өгнө үү гэх гомдлын дагуу “Эрдэм транс” ХХК-ийн жолооч П.Д-д дотооддоо сахилгын арга хэмжээ тооцохоор болов. Мөн зөрчлийн хариуцсан хэсэгт мэдэгдэж арилгуулсан гэлээ.