Монгол Улсын иргэд БНСУ-д паспорт болон бэлэн мөнгөтэй цүнхээ алдсан байсныг тус улсын цагдаагийн ажилчид шуурхай олж өгчээ.

Тодруулбал, БНСУ-ын Пухан хотын өмнөд хэсгийн цагдаагийн газрын мэдээлснээр, энэ сарын 9-ний өдрийн 17:47 цагийн орчимд Монгол иргэд Сөүлээс Пухан хот руу явж байгаад суусан таксиндаа паспорт болон бэлнээр 4.7 сая вон хийсэн цүнхээ орхиод буусан байжээ. Улмаар монгол иргэд тус улсын цагдаагийн байгууллагад мэдэгдсэн бөгөөд цагдаагийн ажилчид таксины явсан маршрутын дагуу камер шалгаж явсаар монгол иргэдийн сууж явсан таксиг илрүүлж, хоёр цагийн дотор гээсэн эд зүйлийг эздэд нь буцаан өгчээ.