Катарын Үндэсний агаарын тээвэрлэгч "Катар Эйрвэйс" авиа компани монгол иргэдийг сургаж, ажилд авахаа зарлажээ. 

Тодруулбал, Монгол Улсаас Катар Улсад хавсран суугаа Элчин сайдын яам дэлхийн тэргүүлэх авиа компани болох Катар Улсын Үндэсний агаарын тээвэрлэгч Катар Эйрвэйс компани хоорондын хамтын ажиллагааны хүрээнд тус компани 2023 онд Монгол Улсаас 13 охид, залуусыг шалгаруулан авч, бүхээгийн ажилтнаар сурган ажилд авсан билээ. Үүнтэй холбогдуулан тус Элчин сайдын яамнаас хүсэлт тавин ажилласны үр дүнд Катар Эйрвэйс авиа компани дахин сонгон шалгаруулалт явуулж, тодорхой тооны охид, залуусыг сургаж, бүхээгийн ажилтан/онгоцны үйлчлэгчийн ажилд авахаар ажлын байр зарлаад байгаа аж. Үүнийг Монгол улсаас Катар улсад суугаа элчин сайдын яамтай хамтран зохион байгуулсан бөгөөд тус элчин сайдын яамнаас хүсэлт тавьж, ажилласны үр дүнд дахин сонгон шалгаруулалт зарласан байна. Уг ажлын байранд энэ сарын 28-ны өдрийг хүртэл бүртгэж, гуравдугаар сард "Катар Эйрвэйс" компанийн төлөөлөл Улаанбаатар хотод ирж, сонгон шалгаруулалт явуулах аж. Харин ажилтанд англи хэлний бичгийн болон ярианы өндөр мэдлэгтэй, 21 нас хүрсэн, гарын хүрэх өндөр 212см дээш, Доха хотод байрлан ажиллах, эрүүл мэндийн асуудалгүй байх зэрэг шаардлагыг тавьж байгаа гэнэ.