Энэ жилийн тухайд зурхайд өвлийн адаг сар нь илүү байгаа. Тийм ч учраас урьд өмнөх жилүүдтэй харьцуулахад идэр есийн хүйтний өдрүүд харьцангуй дулаан хэмтэй тохиосон. Харин илүү адаг сарынхаа эхний өдрүүдэд хүйтний эрч нэмэгдсэн. Цаг уурын мэдээллийг сонирхон судалж, бусадтай хуваалцдаг эдийн засагч Н.Энхбаярын өөрийн эх сурвалждаа үндэслэж мэдээлснээр "Олон хоногийн туршид хүйтэрсний дараа ирэх  Пүрэв гаригаас эхлэн 17-ны Даваа гариг хүртэл нийт нутгаар хүйтний эрч суларч, говийн бүс нутгийн зарим сумдын нутгаар өдөртөө +2+4 градуст хүрнэ. Гэвч хаврын улирал хараахан эхлэх болоогүй тул 2-р сарын 18-20-ны өдрүүдэд хүйтэрч өвөл хэвээр байгаа шүү гэдгийг дахин нэг сануулах бололтой" гэв.