Нийтийн сүлжээнд цагдаагийн алба хаагч гурван хүүхэдтэйгээ угаартаж нас барлаа гэх мэдээлэл түгсэн. Энэ талаар тодруулахад өнгөрсөн 7 хоногт Баянзүрх дүүрэгт гэр шатаж, иргэд нас барсан хэрэг гарсан. Тухайн гэр бүлийн нэг иргэн өмнө нь цагдаагийн байгууллагад ажиллаж байжээ. Албан бус эх сурвалжийн мэдээлснээр тухайн иргэн өнгөрсөн онд цагдаагийн албанаас өөрийн хүсэлтээр ажлаа өгч, гарсан гэв. 

Албан мэдээллийг хүргэхэд, цагдаагийн байгууллагад энэ оны 02 дугаар сарын 05-ны өдрийн 22:00 цагт “Ургах наран хорихоос хойш гал гараад байна” гэх дуудлага, мэдээлэл бүртгэгдсэн. Дуудлага мэдээллийн дагуу явуулсан шалгалтаар Баянзүрх дүүргийн 11 дүгээр хорооны нутаг ... тоотод монгол гэр шатаж, 4 иргэн нас барсан харамсалтай нөхцөл байдал тогтоогдсон. Насанд хүрээгүй 3 иргэн шатаж амь хохирсон. 34 настай иргэн нь цагдаагийн байгууллагад ажиллаж байсан 2024 оны 08 дугаар сард албанаас чөлөөлөгдсөн иргэн байсан.