Монгол барималчид Саппоро цасны баярын хошой аварга боллоо. Тодруулбал, Японы Хоккайдо мужийн Саппоро хотноо жил бүр зохиогддог Олон улсын цасан баримлын тэмцээнд Монгол Улсын баг 2 дахь удаагаа түрүүлж, хошой аварга боллоо. Энэ жил тус тэмцээн 49 дэх удаагаа зохиогдож, Монгол Улс гурав дахь удаагаа оролцож Б.Содномдаржаа,  А.Батзориг, Б.Ганбаатар нарын уран бүтээлчид цасан урлалаараа тэргүүлжээ.