Эрүүл мэндийн яамны Эрүүл мэндийн Хөгжлийн төвийн Эс, эд, эрхтэн шилжүүлэн суулгах үйл ажиллагааг зохицуулах албаны даргаар ажиллаж байсан П.Батчулуунд холбогдох эрүүгийн хэргийн шүүх хурал 2025 оны нэгдүгээр сарын 20-ны өдөр болж түүнд 2.6 жилийн хорих ял оноосон.

Тэрбээр Цагдан хорих 461-р ангид хоригдож байхдаа шүүх хурлаас зургаа хоногийн дараа биеийн байдал нь муудаж Улсын Гуравдугаар Төв Эмнэлэг /УГТЭ/-т хүргэгдсэн. П.Батчулуун эмч зүрхэндээ долоон стэнд тавиулсан бөгөөд эрүүл мэндэд үүсэж ноцтой хүндрэлээс сэргийлэх шаардалагатай учир эмнэлэгт хэвтүүлсэн гэж эргэлтээр очсон УИХ-ын гишүүд мэдээлж байсан. Тэгвэл хоёр өдрийн өмнө П.Батчулуун эмчийн хагалгаа амжилттай болж, зүрхэндээ 8 дахь стэндээ тавиулсан байна. Биеийн байдлын тухайд өмнөх стэндүүд нь дутуу ажиллаж байгаа, зүрхний цохилт хэт цөөн, чихрийн шижингийн байдал ноцтой хүндэрсэн зэрэг оноштойгоор үргэлжлүүлэн эмчлүүлж байна.