Чингэлтэй дүүргийн ЗДТГ-аас 1, 2, 3, 5, 13 дугаар хорооны зарим байршлууд дахь өнгө үзэмж муутай хаяг, сурталчилгааны самбаруудыг зохих журмын дагуу иргэн, ААН-үүдтэй харилцан зөвшилцөж буулгажээ. Улмаар хаяг самбар дээр нэгдсэн нэг стандарт тогтоох, мөрдүүлэхээр ажиллаж байгаа аж. 

"Дэлхийн олон хотууд энэ асуудалд нэгдсэн стандарт буюу барилга дээрх хаяг, самбарын хэмжээс, өнгө, байрлал зэрэгт тодорхой стандарт тогтоож, хотын үзэмжээ сайжруулсан байдаг. Жишээ нь Лондоны Оксфорд гудамж илүү минимал загварын стандарт мөрддөг бол Японы Шибуяа зэрэг төв хэсгийн бизнесийн дүүргүүд тод лед гэрлэн самбар ашиглахыг зөвшөөрдөг. Нөгөө талд оршин суугчид ихтэй газрууддаа энгийн хаяг, самбаруудыг зөвшөөрдөг гэх мэт. 

Тэгэхээр бизнес, худалдаа үйлчилгээ эрхэлж байгаа иргэн, ААН-үүдтэйгээ энэ тал дээр сайн ойлголцож, хамтарч ажиллах нь чухал байна Хотын төвийн гудамж талбайг цэгцгүй, үзэмжгүй болгож байгаа бас нэг зүйл энэ. Замбараагүй, стандартгүй өнгө өнгийн эрээлжилсэн хаяг самбарууд" хэмээн ЧД-ийн засаг дарга Н.Мандуул хэллээ.