Монголын Волейболын холбооны 2024-2025 оны Үндэсний дээд лигт Б.Батсуурь “SG Hawks” багаа ахлан оролцож, хүрэл медалийн эзэд болсон. Мөн лигийн шагнал гардуулах ёслолын үеэр Олон Улсын Хэмжээний Мастер цол, тэмдгээр энгэрээ мялаасан юм.

Тэгвэл ОУХМ, Монгол Улсын үндэсний шигшээ багийн тамирчин Б.Батсуурь Азербайжан улсад хоёр дахь удаагаа легионер тамирчнаар тоглохоор уригдсан байна. Тэрээр тус улсын Супер лигийн “Xilasedici” клубын бүрэлдхүүнд нэгджээ. Энэ нь түүний легионер тамирчнаар тоглох 4 дэх улс юм. Түүний хувьд өмнө нь Арабын Нэгдсэн Эмират улс, Тайвань, Мальдив зэрэг улсуудад легионер тамирчнаар уригдан тоглосон монголын цорын ганц тамирчин болоод байсан юм.